鋼，係合金既一種，主要由鐵、碳、矽、錳、磷、硫、鉻、鉬、鎳、釩、銅等元素組成。唔同既成份組合唔同既比例，可得出唔同既硬度、防锈度、防腐蝕既鋼材，適合應用喺唔同既範圍，例如日常家居用、工業用、醫療用，又或者錶殼錶帶咁。有時你買件不锈鋼既野返屋企用，明明話係不锈鋼，點解都仲會生锈？而屋企隻撈，點解珍藏左成廿年，錶殼錶帶Ｄ鋼都仲係咁明艷照人？呢Ｄ就係鋼既成份有所不同既分別。
不锈鋼有超過100種，特性功能都唔同。依家用喺手錶生產既不锈鋼合金，常見有以下三種：304, 316L和904L。
304由於價格相對較低，又較易塑形而被廣泛使用喺家庭和廚房用品，但係佢對酸非常敏感，容易腐蝕，所以你會發現好多不锈鋼家品用用吓就會出現生锈既情況。而用呢種鋼材黎造既錶一般都只係低端手錶。
316L主要用黎製造手術器材，所以有「手術鋼」既稱號。佢可靠、耐用，防锈蝕，仲有抗磁性，對於常溫下普通海水侵蝕和人體汗液腐蝕，316L不锈鋼其實已經綽綽有餘，更何況佢可以用黎做醫療用品，所以現時好多高端潛水錶都會用佢作為主要鋼材。
904L，佢係三種鋼材中最貴既一種，不過貴係貴得有道理，佢有比316L更高既耐腐蝕性、防锈性和耐酸性，因為佢既出現，主要就係用黎應付高腐蝕性既極端環境，例如航天及化工等行業。硬度高、耐磨亦有辣有唔辣，咁會令加工困難成本上升，但拋光效果卻更佳。
勞力士喺1985年開始使用904L鋼材製作錶殼，直至2003年將整條生產線既加工器械同工具由316L改為904L。一整條生產線既代價，有人話只係勞力士為引起話題既市場策略，而小編就話，呢個先至係勞力士可貴之處，鋼材換左你都可能唔知，為既，只係可以令你隻撈歷久彌新，世代傳承。