Roger Federer 配戴 Rolex Daytona 126599TSA Blue Sapphire｜2025 Laver Cup 三藩市亮相 勞力士隱藏版腕錶

Roger Federer 費達拿配戴 Rolex Daytona “Blue Sapphire” 於 Laver Cup 2025 三藩市亮相

三藩市賽事中的注目腕錶

2025 年 Laver Cup 於美國三藩市舉行，除了場內比賽吸引網球迷目光，場外亦有亮點。當晚，瑞士網球傳奇 Roger Federer（費達拿）身穿黑領結禮服登場，而佢手腕上的 Rolex Cosmograph Daytona Ref.126599TSA “Blue Sapphire”，即時成為全場焦點。呢枚腕錶屬於 非型錄作品（off-catalogue model），並未出現在勞力士 Rolex 官方型錄之中，因而格外矚目。

圖片來源:網路

Rolex Cosmograph Daytona Ref.126599TSA “Blue Sapphire” 設計特色

Daytona Ref.126599TSA 以 18K 白金錶殼打造，直徑 40 毫米，比例經典而優雅。錶圈鑲嵌 36 顆長方形切割藍寶石，由深至淺呈漸變效果，配戴時能隨光線變化展現出層次感。

錶盤採用帶銀色光澤嘅 黑曜石（Obsidian） 製成，天然礦石嘅特性令每一枚錶盤紋理獨一無二。盤面設有 12 枚藍寶石時標，與錶圈設計互相呼應。錶殼中層及錶耳位置另鑲有 54 顆明亮式切割鑽石，細節工藝精緻，充分體現 Rolex 寶石鑲嵌嘅水準。

圖片來源:網路

定位與亮相場合

此款腕錶於 Watches & Wonders 2025 展會中首次公開亮相，但 Rolex 並無將其列入官方型錄。一般而言，呢類 非型錄腕錶 數量極少，亦唔會經由常規零售渠道銷售，更多時候係透過特定安排流通。正因如此，126599TSA “Blue Sapphire” 在收藏市場上具有特別地位，對鐘錶愛好者同收藏家嚟講，更添吸引力。

費達拿的網球成就

Roger Federer（費達拿）是瑞士網球運動員，職業生涯共贏得 20 個大滿貫男子單打冠軍，包括 8 次溫布頓、6 次澳洲公開賽、5 次美國公開賽，以及 1 次法國公開賽。他一共 31 次打入大滿貫決賽，亦曾奪得 6 次 ATP 年終總決賽冠軍、28 個 ATP 大師賽（1000 級）冠軍，以及合共 103 個 ATP 單打冠軍。

在世界排名方面，Federer 曾累積 310 星期位居世界第一，是男子網球史上在榜首最長期的球員之一。他亦在 2008 年北京奧運會與 Stan Wawrinka 搭檔奪得男子雙打金牌，並於 2012 年倫敦奧運贏得男子單打銀牌。這些成績，使他成為過去二十年最成功、最具代表性的網球運動員之一。

網球與高級製錶

Federer 配戴 Daytona Ref.126599TSA “Blue Sapphire” 出席 Laver Cup，唔單止係一個時尚細節，仲代表住 運動與高級製錶文化嘅交集。Rolex Daytona 系列自 1963 年誕生以來，就以專業賽車計時著稱，而今次嘅隱藏版設計加入藍寶石同黑曜石元素，將運動感與奢華工藝結合，亦同費達拿既運動員身份與優雅氣質相互呼應。

Roger Federer 於 Laver Cup 2025 三藩市 配戴嘅 Rolex Cosmograph Daytona Ref.126599TSA “Blue Sapphire”，無論係設計工藝、稀有性，抑或亮相場合，都令佢成為 2025 年鐘錶界備受討論嘅焦點之一。配合費達拿作為網球傳奇嘅歷史成就，呢枚「隱藏版」Daytona 不但係高級製錶嘅代表作，亦係收藏家夢寐以求嘅珍品。

圖片來源:Rolex