​28watches 最新消息

搜尋
  • 28watcheshk

乜野係「對期」?


到底乜野係對期?

聽到人話你隻撈「唔對期」,係咪好驚呢?首先大家唔好驚住,「唔對期」唔代表你隻錶係假野!咁到底乜野係「對期」呢?


同一款型號既錶,會有唔同既出廠年份,稱之為「期」,而唔同「期」既錶,有機會採用唔同既機芯、錶面、針、錶帶,甚至錶盒。所以,每一「期」既錶,都有特定配件,而冇採用另一「期」既配件,就為之「對期」。咁點先至知隻錶對唔對期?


多數人都會睇下個流水號(SN),就會知道出廠年份,查到年份,就可以查到佢用咩針同面。有型號,有出廠年份(有關出廠年份請查閱玩錶博客文章—咩係亂碼?內影又係乜?),就查到隻錶用緊咩機芯。對岩個機芯型號,再睇睇條錶帶,錶帶唔好諗住對型號就算,同一型號都可以有唔同細節。岩晒既話,你隻錶就叫「對期」。不過如果你隻錶係2010年後出廠,採用亂碼流水號既話,要知佢出廠年份又難左D!


而「唔對期」通常都係某種原因,例如因損壞而換左另一「期」既配件落去,不過仍然係勞力士既原裝配件。


下面呢個表,就可以比你知道表入面提到既型號,究竟用緊乜野錶帶,大家不妨用黎作個參考!






1412 次瀏覽